تجارب البنات في اختبار القيادة أو تجربتي في استخراج رخصة قيادة مع قصص حقيقة تحكيها سيدان او بنات في الطريق ولما تعرضوا له قد جمعتها لكم خصيصاُ، حتى تتعلموا أو تضحكوا مما يحدث في الطريق مع قيادة البنات من تجارب مختلفة، ولذلك حوالي 5 قصص من تجارب سواقة البنات عى الطرق السريعة والبطيئة.
تجارب البنات في اختبار القيادة
مره كنت ماشيه في طريق رايح جاي و انا ماشيه في اليمين و حد من ورايا عايز يتخطاني ف خد الحارة الشمال و اللي جاي من الشمال في الوش خاف منه راح جيه في وشي في الحارة اليمين على اساس يعني اني الطريق ماشي و اني اخد الحارة الشمال زي التاني و اسيبه يعدي، طبعاً انا فضلت واقفه متنحه في حارتي و مش عايزة اعدي راح الراجل اتنرفز و رجع مشي في حارته و راح قايلي يعني انتي مش شايفاه مشي غلط !!
قولتله و انا مالي انت عايزني اعالج غلط بغلط راح قالي عدي يا مدام عدي انتي هتعمليلي غلبانه دلوقتي و بتحافظي على قواعد المرور ودي كانت نهاية صقتي مع قصص تجارب البنات في اختبار القيادة. رسوم ترخيص السيارات
قصة اخرى تقول إحدى السيدات المحترمة، كنت مره لسه بتعلم السواقه و اول مره اسوق ففجأه لقيت وانا بسوق حرامي بيجري ورايا علي رجله و بيخبط جامد علي زجاج العربيه فجريت بالعربيه بسرعه و مكنتش عارفه انا بعمل ايه ولا رايحه فين و انا لسه مبعرفش اسوق خالص و اتوترت جدا و كان الوقت بليل ولذلك لغايه مهربت منه بالعافيه و بعدين جوزي خد العربيه مني بعد لما وقفنا علي جنب و كنت عماله اعيط من الخضه.
تجربتي في السواقة
تعتبر تجارب البنات في اختبار القيادة ممكن تكون مضحكة لكن تجربتي إن مرة كنت بحط بنزين و جنبي صحبتى و اعدين نتكلم و الراجل جيه اخد.منى الفلوس بحسبه خلص هوب دورت و مشيت و ببص فى المرايا لقيت البنزينه كلها طالعه تجري ورايا اتاري كان لسه المسدس فى العربيه و انا ماخدتش بالى و التانك مفتوح و ليله تفتكر اسكت ابدا ميصحش لفيت و رجعت اتخانق معاهم و طلعتهم غلطانين ازاى الراجل ياخد منى الفلوس و هو لسه مخلصش المهم اعتزرولى فى الاخر و كملولى البنزين يارب محدش اعرفه يشوف الكومنت عشان متفضحش. تجربتي مع رينو سانديرو ستيب واى مع اراء القيادة
موقف حصلى وانا لسه بتعلم المفروض العربيه راكنه واطلع بيها على الطريق وماشاء الله العربيات جنبى ماشيه بسرعه الصاروخ وانا ولا هنا فاكرينى هاهجم بقى واخرج غصب هه ابدا يافندم مش انا..جوزى كان جنبى بيوترنى اصلا وبكل تناكه خرجت من العربيه وسيبت جوزى يسوق ويتصرف بقى مع الاشكال دى.
موقف حصلك حسسك انك غبي
تكون تجارب البنات في اختبار القيادة مختلفة وهنا موقفين الأول: كنت اول ما بدأت اسوق ومعرفش ان الدركسيون بيتعمله لوك كدة بحركة معينة، وبطلت العربية وجيت ادور تاني مفيش مش راضية وانا هتجنن دي لسة كانت دايرة عادي المهم نزلت وراجل معدي بيقولي في حاجة قلتله العربية مش عايزة تدور يادوب حركه كدة ودور دارت عادي جدا والراجل ضحك ومشي حسيت يااه بس كدة!
الموقف التاني كنت مستنية صاحبتي راحت نحلة او دبور مش عارفة دخلت العربية طبعا نزلت جري وسبت حاجتي والمفتاح جوة ووقفت بعيد لحد ما شفتها خرجت رحت راكبة وماشية والحمدلله ان محدش كان خدها ومشي ربنا ستر برضه.
